Fyrirvari:
Danmörk
Sérnám í Danmörku
Hvar finn ég og sæki um stöður?
Allar stöður, intro stöður (Introduktionsstilling), fastar sérnámsstöður (Hoveduddannelse) og tímabundnar (uklassificeret) stöður, eru auglýstar í gegnum sundhedsjob.dk sem leiðir mann inn á umsóknarvef fyrir sérnámsstöður sem heitir videreuddannelsen.dk. Það er þó líka hægt að setja sig í samband við kennslustjóra hvers sjúkrahúss (Uddannelsesansvarlig overlæge) til að reyna að komast í uklassificeret stöður þar sem þær fara ekki alveg allar inn á sundhedsjob.dk. Fastar sérnámsstöður eru auglýstar tvisvar á ári, uþb í desember og í júní, og allar stöður byrja annaðhvort 1. maí eða 1. nóvember.
Hvernig sæki ég um lækningaleyfi?
Inni á heimasíðu Styrelsen for patientsikkerhed, https://stps.dk/sundhedsfaglig/autorisation/soeg-autorisation/laege/laege-uddannet-i-eu-eller-eoes.
Maður þarf þar að velja autorisation og tilladelse til selvstændigt virke sem kostar 3.689 DKK (uþb 74.000 ISK).
Hvernig standa málin með íslenska sérnámsgrunninn annars vegar og íslenska kandídatsárið hins vegar?
Er hægt að fá stöðu án þess að vera búinn með þessi grunnár?
Þá þyrfti maður að taka danska kandídats/sérnámsgrunnsárið, KBU ár, áður en maður myndi sækja um lækningaleyfi og sækja þá í framhaldinu um intro stöðu í því sérnámi sem maður hefur áhuga á. Það er mjög mikil samkeppni um intro stöður í Danmörku núna þar sem fjöldi læknanema hefur verið aukinn mikið án þess að intro stöðum og sérnámsstöðum hafi fjölgað, svo það er mikill kostur að vera byrjaður í sérnámi á Íslandi og vera búinn með amk 1 ár til þess að geta þá sótt um að fá intro árið metið og sótt svo í framhaldinu beint um Hoveduddannelse stöðu.
Fæst sérnám á Íslandi metið inn í sérnám í viðkomandi landi?
Já það er hægt að sækja um að fá intro árið metið (Merit for introduktionsstilling).
Ég veit sjálf ekki til þess að neinn hafi sótt um að fá meira en það metið en það er hægt að sækja um það.
Hvernig er ferlið step-by-step að fá íslenska kandídatsárið/sérnámsgrunn metinn upp í kandídatsár viðkomandi lands?
Það er ekkert vandamál að fá íslenska kandídatsárið/sérnámsgrunn metinn, það fylgir veitingu lækningaleyfisins.
Er tekið mismunandi á þessum hlutum á milli mismunandi svæða í viðkomandi landi?
Nei.
Einhver önnur tips eða tricks sem þú hefðir viljað vita áður en þú fluttir út?
Það er gott að byrja að undirbúa umsóknina með góðum tíma þar sem það tók þó nokkurn tíma að fá intro stöðuna metna, 6 mánuði í mínu tilfelli frá því ég sendi inn póstinn, þar sem það ferli fer allt fram í tölvupóstum og það virðist ekki alltaf liggja efst á forgangslistanum að klára að svara þeim umsóknum. Maður þarf líka að taka einn skyldukúrs, til þess að geta fengið árið metið, sem heitir Vejledning i klinikken/Pædagogik II. Það er eins dags námskeið í kennsluaðferðum og handleiðslu og maður þarf að skila inn stuttu verkefni um kennslu eftir kúrsinn. Það er hægt að sækja um að fá intro árið metið áður en kúrsinum er lokið og maður fær þá matið afhent með fyrirvara um að maður ljúki kúrsinum innan ákveðins tíma.
Noregur
Um sérnám í Noregi
Ný reglugerð um sérnám lækna var samþykkt af Heilbrigðis- og velferðarráðuneytinu (Helse- og omsorgsdepartementet) í Noregi og tóku gildi 1. mars 2019. Nýja sérnámið samanstendur nú af tveimur eða þremur hlutum LIS 1, LIS2/3 (Lege i spesialisering). LIS1 er sameiginlegt fyrir alla lækna og hefur komið í stað “kandídatsársins”. Fyrir lækna sem sérhæfa sig í skurðlækningum eða almennum lyflækningum tekur við þjálfun í LIS2, sem byggir á grunni sem ætlað er að veita almenna vaktahæfni á þessum sviðum. Að því loknu tekur við LIS3, sem er sérhæfð þjálfun fyrir viðkomandi undirsérgrein. Allar aðrar sérgreinar fara beint úr LIS1 í LIS3.
Nýja norska sérnámið byggir á námsmarkmiðum og lágmarkstíma í starfi (ca 6,5 ár). Það eru svo námskeið (kúrsar) sem þarf að taka og maður á rétt á 10 dögum á ári til að fara á námskeið. Sérnámslæknar hafa leiðbeinendur og handleiðara meðan á sérnáminu stendur sem meta hvort þessum markmiðum er náð reglulega í náminu. Þegar öll námsmarkmið tiltekinnar sérgreinar hafa verið uppfyllt, veitir Landlæknisembættið (Helsedirektoratet, Hdir) formlega sérfræðiviðurkenningu.
Hér er dæmi um námsmarkmið og kúrsa, eftir sérgreinum (á norsku): https://www.spesialisthelsetjenesten.no/lis/
Hvert sjúkrahús skilgreinir hvaða sérnámsstöður eru í boði og hvaða námsmarkmið hægt er að uppfylla á staðnum. Minni sjúkrahús (gruppe 2) gera samninga við önnur sjúkrahús (gruppe 1 sem oft eru háskólasjúkrahús) þar sem hægt er að ljúka þeim námsmarkmiðum sem eftir standa. Tími á háskólasjúkrahúsi er mismunandi eftir sérgreinum, allt frá 6 mánuðum til 2,5 ár. En það eru Háskólasjúkrahús í Oslo, Bergen, Þrándheimi, Tromsø og Stavanger.
Skv. nýju reglugerðinni er LIS1 (12 - 18 mánuðir) hluti af sérnáminu og erfitt hefur verið að fá gamla íslenska kandídatsárið metið hjá þeim sem voru með tímabundið lækningaleyfi (eða fyrir 2021) en það ætti að verða betra nú eftir að breyting tók gildi hjá Heilbrigðis- og velferðarráðuneytinu 1. janúar 2026. Dæmi um starf sem nú getur verið metið gagnvart námsmarkmiðum LIS1 eru kandídatsár frá Íslandi eftir cand.med.-próf með að lágmarki 12 mánaða lengd. Sjá nánar hér: Bekreftelse på læringsmål i utdanningens første del med delvis spesialistutdanning fra utlandet - Helsedirektoratet
Fyrir þá sem lokið hafa íslensku kandídatsári (sérnámsgrunni) með fullgilt lækningaleyfi er auðveldara að fá það metið til námsmarkmiða og tíma í LIS1, sérstaklega þeir sem hafa lokið 18 mánuðum með svipaða uppsetningu og er í Noregi (t.d. 6 mánuði lyflæknisfræði, 6 mánuði skurðlæknisfræði og 6 mánuði heilsugæslulækningar). Hér í Noregi hafa þó margir verið ráðnir síðustu árin í LIS2/3 stöðu án þess að hafa fengið sitt kandídatsár fullmetið og en það leysist mismunandi eftir sjúkrahúsum og sérgreinum. En til að sækja um þarf maður fyrst að sækja um norskt lækningaleyfi.
Norskt lækningaleyfi:
Hér eru upplýsingar um umsóknarferli á ensku:
https://www.helsedirektoratet.no/english/authorisation-and-license-for-health-personnel
Apply for authorisation as a Medical Practitioner (lege) – educated in the EU/EE
Hér finnur maður upplýsingar um þau gögn sem þarf:
En það þarf að senda inn undirritaða umsókn með afrit af vegabréfi, íslensku lækningaleyfi eða vottorð um starfsleyfi/M.D. (frá Landlæknisembætti), cand.med. prófskírteini (einnig á ensku), og vottorð um starfsreynslu frá vinnuveitanda (t.d. LSH). Getur verið að einnig þurfi: Certificate of Good Standing og Certificate of Current Professional Status (frá Landlæknisembætti).
Þegar maður er kominn með lækningaleyfi og svk. HPR-númer er hægt að sækja um að fá LIS1 samþykkt hér:
Það þarf að fylla út skema með ítarlegum upplýsingum um þann tíma sem á að meta:
Standardattest for opplæringsprogram etter cand. med. (engelsk)
Það þarf einnig að fylla út eyðublaðið um LIS1 markmið sem á að meta:
Egenerklæringsskjema på fullført opplæringsprogram.pdf
Hér eru upplýsingar um umsóknina:
Það þarf einnig svokallað CCPS (Certificate of Current Professional Status). Maður sækir um þessi vottorð Hér. Vottorðin eru gefin út á íslensku og ensku og koma í pósthólfið þitt á island.is
Vottorðið kostar 2.700kr.
Með umsókninni þarf að fylgja: cand.med. prófskírteini, íslenskt lækningaleyfi eða vottorð um starfsleyfi/M.D. (frá Landlæknisembætti) og vottorð frá vinnuveitanda (LSH eða SAK) um að starfið/sérnámið hafi verið lokið á stofnun sem er viðurkennd kennslustofnun og það þarf einnig hægt að senda með gögn frá eportfolio.
Að sækja um sérnám í Noregi
Það er hægt að hafa samband í gegnum tengingar með því að senda tölvupóst á þá deild sem maður óskar eftir, en það getur verið gagnlegt að fylgjast með þeim LIS stöðum sem eru auglýstar hér: https://legejobber.no/Sok/#/ca=[16]&lf=8&page=0
Hér eru reynslusögur nokkurra lækna sem eru í Noregi og hvernig þau fengu stöður:
Hólmfríður Helgadóttir (meltingarlækningar í Bergen): Ég byrjaði á því að sækja um með því að senda tölvupóst á yfirlækna á Háskólasjúkrahúsum í Osló 2019. Þannig fékk ég þrjú viðtöl en fékk ekki tilboð um stöðu, fékk þær skýringar að 1) það væri óskað eftir einhverjum sem gæti byrjað strax og þurfti ekki langa aðlögun og þar sem ég talaði ekki fullkomna norsku og þekkti ekki tölvukerfið var ég ekki valin, 2) það voru annar jafn hæfur umsækjandi frá Noregi sem var valinn og 3) það var mælt með því að ég byrjaði á minna sjúkrahúsi fyrst og myndi svo sækja um þegar ég væri komin með reynslu í Noregi. Eftir þrjár neitanir fór ég inn á legejobber.no og sendi margar umsóknir (og sótti þá um í öðrum borgum en Osló). Þannig fékk ég tilboð um stöðu í Bergen og ákvað að taka við henni, sé ekki eftir því í dag þar sem Bergen er æðisleg. Svo ég mæli með því að sækja um sem flestar stöður, ekki bara Háskólasjúkrahús í Osló. Nú eru einnig breyttir tímar og færri sem eru að sækja um stöður á sjúkrahúsum en fyrir 5 árum og þar af leiðandi getur verið að það sé auðveldara að fá stöður í Noregi í dag en var áður.
Ég hef eingöngu fengið lyflæknisfræði hluta metinn af LIS1, þar sem ég vann aðeins á lyflækningasviðinu heima með fullgilt lækningaleyfi 2017-2020. Ég mun annað hvort þurfa að heimsækja (hospitere) á skurðdeild og heilsugæslu til að fá restina metna, en ætla að bíða og sjá hvort þetta leysist á annan hátt áður en að ég fer í það ferli. En það eru fordæmi fyrir því að sérnám er samþykkt þar sem sérnámslæknar hafa heimsótt þær deildir sem vantar í nokkrar vikur og fengið metið sem LIS1 námsmarkmið. Velkomið að hafa samband ef óskað er eftir frekari upplýsingum (hofihelgad@gmail.com).
Alexandra Aldís Heimisdóttir (patología í Bergen): Ég útskrifaðist 2021 og tók nýja sérnámsgrunnsárið - tók þá 18-mánaða sérnámsgrunnsár með það í huga að mig langaði að flytja til Noregs. Það voru 6 mánuði á heilsugæslu, 6 mánuði í lyflæknisfræði, 2 á bráðadeild, 4 í skurðlækningum (+ 2 auka mánuði á patologíu).
Ég fór að skoða hvar í Noregi við, ég og fjölskyldan, hefðum áhuga á að setjast að og hvaða sjúkrahús byðu upp á bestu möguleikana til menntunar. Ég sendi tölvupósta á nokkrar meinafræðideildir, þá til að láta vita af áhuga mínum á að hefja sérnám í Noregi og spyrjast fyrir um hvort ég mætti koma og heimsækja deildirnar. Ég sendi m.a. á Haukeland í Bergen og fékk fljótlega svar um að mér væri velkomið að koma í heimsókn, og að þau væru einmitt að fara að auglýsa tvær stöður fljótlega. Það var mjög vel tekið á móti mér og mér var hvatt til að sækja um á webcruiter.no. Mér var boðið viðtal og ég fékk svokallaða «vikariat» stöðu (tímabundin 12-mánaða staða sem langflestir byrja í). Ég þurfti ekki að tala reiprennandi norsku og þurfti ekki að vera með LIS1 samþykkt á þeim tímapunkti, heldur bara að vera með norskt lækningaleyfi. Ég lét þau samt vita að það væri allt í ferli að senda inn umsókn fyrir LIS1.
Ég sendi inn umsóknina til Helsedirektoratet stuttu áður en við fluttum út og bjóst við að þurfa að bíða í allt að 12 mánuði. Ég var líka með það í huga að ég gæti þurft að taka nokkrar rotasjónir sem LIS1 í Noregi til að uppfylla einhverjar kröfur sem þeir myndu mögulega ekki samþykkja, og því hugsanlega að flytja fjölskylduna aftur, þannig þetta var alveg áhætta sem við tókum. Yfirmaðurinn minn á Haukeland sendi tölvupóst á Helsedirektoratet til að ýta á eftir umsókninni, sem virkaði mjög vel, enda tók það bara 3 mánuði fyrir mig að fá svar að ég hafði fengið allt samþykkt. Ég er þá formlega núna LIS2/3 læknir í patologíu í Bergen. Og maður nær norskunni ótrúlega fljótt!
Þetta er svolítið annað en það sem læknar úr eldri árgöngum, sem lentu í þessu leiðinda millibilsástandi, hafa þurft að ganga í gegnum. Árgangurinn minn og þeir sem komu á eftir okkur höfum verið mjög heppin að geta tekið nýja sérnámsgrunnsárið í stað gamla kandídatsársins. Það breytir öllu, samkvæmt Helsedirektoratet, að (1) taka þessar rotasjónir með fullgilt lækningaleyfi í því landi sem maður starfar í og (2) taka 12 spítalamánuði og 6 heilsugæslumánuði. Það er í rauninni kjarni málsins (a.m.k. miðað við það sem einn starfsmaður hjá Helsedirektoratet sagði mér).
Ef þið viljið vita nánar hvernig umsóknin var uppbyggð, eða fá frekari upplýsingar, þá megið þið endilega hafa samband í tölvupósti (alexandraaldis@gmail.com).
Svíþjóð
Disclaimer: Þessar leiðbeiningar eru einungis byggðar á minni persónulegu reynslu. Ég hef leitað til Socialstyrelsen varðandi hvaða kröfur þau leggja fram en fengið þau viðbrögð að þau geti ekki svarað því.
Acknowledgements: Við gerð minnar umsóknar leitaði ég til, og fékk góð svör og góða hjálp, frá Árna Johnsen, Davíð Ás Gunnarssyni og Huldu Hrund Björnsdóttur.
Eyðublöð í umsókninni
1. https://www.socialstyrelsen.se/globalassets/sharepoint-dokument/artikelkatalog/foreskrifter-och-allmanna-rad/2021-2-7212-bilaga-1.pdf Umsóknin sjálf, inniheldur persónulegar upplýsingar, og hvaða fylgiskjöl eru í umsókninni
2. https://www.socialstyrelsen.se/globalassets/sharepoint-dokument/artikelkatalog/foreskrifter-och-allmanna-rad/2021-2-7212-bilaga-3.pdf Hér er fyllt inn hvaða klínisku roteringar liggja að baki umsókninni. Verksamhetschef á að skrifa undir að það uppfylli skilyrði fyrir BT.
3. https://www.socialstyrelsen.se/globalassets/sharepoint-dokument/artikelkatalog/foreskrifter-och-allmanna-rad/2021-2-7212-bilaga-4.pdf Skjal sem Verksamhetschef og Extern bedömari eiga að skrifa undir, þar sem þau samþykkja að skilyrðum fyrir BT sé náð. Verksamhetschef er þá yfirmaður á einingunni þar sem ráðningin er. Extern bedömari á að vera sérfræðilæknir starfandi í Svíþjóð sem hefur ekki unnið með umsækjanda.
4. https://www.socialstyrelsen.se/globalassets/sharepoint-dokument/artikelkatalog/foreskrifter-och-allmanna-rad/2021-2-7212-bilaga-2.pdf Eyðublað sem fylla á út fyrir hvert og eitt námsmarkmið, útskýra hvaða kennslutækifæri og klíniska reynsla liggur að baki og síðan hvernig það hefur verið staðfest að umsækjandi uppfylli námsmarkmiðið.
Námsmarkmiðin (delmål)
https://slmf.se/wp-content/uploads/2022/12/malbeskrivning_for_bastjanstgoringen_2021.pdf Hér má sjá nákvæma útlistun á öllum 18 námsmarkmiðum sem þarf að uppfylla.
Í öllum námsmarkmiðunum vitnaði ég í ákveðin grunnatriði í fyrri hlutanum, það er „utbildningsaktiviteter“
- Skjal frá yfirlækni sérnámsgrunns sem heitir „Information regarding the requirements for completing the Icelandic foundation year for further specialist training (Sérnámsgrunnur)“ Þar kemur fram á hvaða stöðum ég vann, hvað vinnan fól í sér o.s.frv.
- Skjal frá mínum kennslustjóra í hlutasérnámi á Landspítala, þar kom fram hvað vinnan þar fól í sér og að ég hafi uppfyllt öll námsmarkmið fyrir BT í gegnum starfið þar
Fleira sem gott er að telja fram hjá þeim námsmarkmiðum þar sem það á við
- Öll námskeið, eins og ALS, endurlífgun, basic patient safety o.s.frv. Vitna í þau á sem flestum stöðum þar sem það er viðeigandi
- Öll formleg kennsla, ég fékk til dæmis skjal þar sem útlistað var hvaða kennsluerindi ég mætti í á sérnámsgrunnsárinu
- Ef þið eruð byrjuð að vinna á sænskum spítala, þá mæli ég með að skoða innri vefinn þar og hvaða kennsluefni er í boði. Ég gat til dæmis farið í gegnum vefnámskeið um „försäkringsmedicin“ sem tók mig uþb korter og ég fékk eftir það vottorð sem ég gat vitnað í.
- Undir sum námsmarkmið er viðeigandi að vitna í ákveðin sænsk lög, að maður hafi lesið þau og tileinkað sér (Árni Johnsen á heiðurinn að þessu)
o BT3: Patientlag (2014:821), Lag (1991:1128) om psykiatrisk tvångsvård, Lag (1987:269) om kriterier för bestämmande av människans död, Lag (1991:419) om resekostnadsersättning vid sjukresor, Lag (1995:832) om obduktion m.m., Lag (2002:160) om läkemedelsförmåner m.m., Lag (2006:496) om blodsäkerhet, Patientsäkerhetslag (2010:659) och Lag (2018:744) om försäkringsmedicinska utredningar
o BT16: Lag (2018:744) om försäkringsmedicinska utredningar
- Ég skrifaði oft nokkrar línur um hvernig ég hefði lært, eða tileinkað mér einmitt það sem námsmarkmiðið fjallar um. Til dæmis BT14 sem fjallar um lífsstílsbreytingar, þá skrifaði ég að stór hluti af minni vinnu á heilsugæslu hefði einmitt fjallað um lífsstílsbreytingar hjá skjólstæðingum, og að þar hafi ég einnig tekið þátt í unbarnavernd. Í BT13 sem fjallar um smitvarnir tiltók ég að ég hefði oft unnið með sjúklinga með hina ýmsu smítsjúkdóma, eins og covid 19, að ég væri fær um að vinna samkvæmt smitvörnum til að takmarka dreifingu o.s.frv.
Í öllum námsmarkmiðunum vitnaði ég í ákveðin grunnatriði í seinni hlutanum, það er „hur det kontrollerades“
- Að ég hefði reglulega haldið fundi með mínum handleiðurum og farið í gegnum ýmis álitamál sem hefðu komið upp og flókin tilfelli
- Vitnaði alltaf í Multiple Consultant Report úr eportfolio, þar sem það er mjög yfirgripsmikið feedback
- Tiltók alltaf að í lok sérnámsgrunnsins hefði handleiðarinn minn skrifað undir að ég uppfylli öll námsmarkmið sem þarf til að ljúka því, og vitnaði í viðeigandi blaðsíðu í eportfolio
- Það er til skjal þar sem borið er saman hvaða kaflar í íslenska SG séu samsvarandi hvaða námsmarkmiði í BT. Ég fór í gegnum það fyrir hvert og eitt af sænsku námsmarkmiðunum, sá hvaða matsblöð ég linkaði í hvern kafla, og taldi þá upp þau matsblöð og vitnaði í viðeigandi blaðsíðu í eportfolio.
- Sums staðar skrifaði ég að námskmarkmiðið hefði „kontrollerats kontinuerligt under min tjänstgöring på Södersjukhuset“, þá helst um þau markmið sem voru frekar almenn, eins og að maður sé hæfur um að vinna með öðrum, að maður sé með gott viðmót, að maður geti fylgt smitvörnum o.s.frv.
Þau námsmarkmið þar sem ég vitnaði í sænsk matsblöð voru eftirfarandi
- BT1
- BT2
- BT3
- BT4
- BT5
- BT9
- BT10
- BT11
- BT12
- BT18
Ég gerði 6 matsblöð á þeim 4 mánuðum sem ég var á Södersjukhuset áður en ég sendi inn umsóknina. Þau voru eftirfarandi
- Allmänt feedback um SBAR rapport um sjúkling á bráðamóttöku, gat tengt það við BT1 og BT11
- Allmänt feedback um að gefa aðstaðndendum erfiðar fréttir, gat tengt það við BT1, BT9, BT18 (skrifaði líka dánarvottorð)
- Allmänt feedback um fyrstu skoðun og meðferð á bráðveikum sjúklingi á bráðamóttöku, gat tengt það við BT1, BT5, BT10
- Allmänt feedback um bráðamóttökuskrá, gat tengt það við BT1 og BT5
- CBD um meðhöndlun á konu sem kom inn eftir sjálfsvígstilraun, gat tengt það við BT2 og BT3 (þar sem ég þurfti að nauðungarvista hana)
- CBD um meðhöndlun á 15 ára stúlku sem kom inn eftir líkamsárás, gat tengt það við BT12
Ég fann á innri vefnum á mínum vinnustað eyðublöð fyrir BT lækna sem ég notaði og fyllti út, annars vegar „allmän feedback“ og hins vegar „case based discussion“. Eyðublöðin eru mjög stutt, og tók bara örfáar mínútur fyrir handleiðarann (eða annan sérfræðilækni að fylla út).
Ég held að það sé mjög mikilvægt að vera með matsblað fyrir BT2 (sem fjallar um geðsjúkdóma) og BT12 (sem fjallar um börn).
Gautaborg - Svíþjóð
Hvar finn ég og sæki um stöður?
Í Svíþjóð eru til síður sem safna saman öllum auglýstum stöðum í landinu. Ég notaði tvær síður: www.indeed.se og www.jobbland.se og aðlagaði leitinga þannig að ég sæi einungis auglýstar ST-stöður. Svo stillti ég það þannig að ég fékk tölvupóst þegar nýjar ST-stöður voru auglýstar. Þetta virðist vera nokkuð nákvæmt og birtast inn á þessum síðum um leið og þær eru auglýstar. Það er síðan mismunandi eftir sjúkrahúsum hvernig maður sækir um en yfirleitt er það í gegnum heimasíðu sjúkrahússins eða sveitarfélagsins.
Hvernig sæki ég um lækningaleyfi?
Sótt er um á heimasíðu Socialstyrelsen, þar eru einnig ágætar leiðbeiningar: https://legitimation.socialstyrelsen.se/legitimation/utbildad-i-euees/lakare-utbildad-inom-eu-ees/
Þau skjöl sem þarf að skila:
- Kvittun fyrir greiðslu á sænsku lækningaleyfi. Maður þarf að borga fyrir leyfið til Socialstyrelsen fyrirfram. 870 SEK þegar ég sótti um leyfið í október 2024.
- Afrit af skilríki (vegabréfi).- Skjal sem sýnir fram á kunnáttu á sænsku, dænsku eða norsku sem samtýmist ….- Staðfest afrit af útskriftarskírteini úr læknisfræði (examenbevis). Þetta þarf að vera staðfest afrit frá Háskólanum.
- Certificate of good standing sem vottar að maður hafi ekki fengið áminningu eða framið brot í starfi. Sótt um og gefið út af Landlækni. Gildir í 3 mánuði eftir útgáfu.
- Certificate of conformity in accordance with Directive 2005/36/EG: Skjal sem sýnir fram á að maður sé með lækningaleyfi skv. reglum EU/EEA. Sótt um og gefið út af Landlækni.
Hvernig standa málin með íslenska sérnámsgrunninn annars vegar og íslenska kandídatsárið hins vegar?
Er hægt að fá stöðu án þess að vera búinn með þessi grunnár?
Það er hægt að taka svokalla integrerað BT+ST sem er þá samtals 66 mánuðir (sem sagt 1 ár BT og 4,5 ár sérnám) en það er hinsvegar ekki komin mikil reynsla á það. Sahlgrenska eru einungis 17 BT læknar þegar þetta er skrifað (737 sérnámslæknar og um 150 AT læknar). Hér má lesa frekar um það og almennt um BT: https://www.vgregion.se/ov/vgr-akademin/utbildningsenheter/at-bt-och-st/bt/Á
Fæst sérnám á Íslandi metið inn í sérnám í viðkomandi landi? Já það á að vera hægt en ég er ekki búin að fara í gegnum það ferli. Maður þarf að sækja sérstaklega um það hjá sínum kennslustjórasem fer yfir gögnin sem maður er með (ePortfolio og/eða vottorð frá kennslustjóra á ísl). Það sem skiptir máli er að maður hafi verið með handleiðara, einhverskonar námsskrá og skráningu á því sem maður hefur gert í sérnáminu og þetta ættum við öll að uppfylla með okkar sérnámi á Íslandi. Svo er hvert tilfelli metið fyrir sig til að sjá hvað hægt er að meta upp í þau námsmarkmið sem eru í sænska sérnáminu. Á heimasíðu Socialstyrelsen stendur að hægt sé að fá allt að 4,5 ár metin ef þau uppfylla allar kröfur sem settar eru. https://legitimation.socialstyrelsen.se/specialistkompetens/utbildad-i-sverige/lakare/gor-specialiseringstjanstgoring-med-inledande-bt/#:~:text=Den%201%20juli%202021%20tr%C3%A4der%20de%20nya,kommer%20att%20utf%C3%A4rda%20intyg%20om%20godk%C3%A4nd%20bastj%C3%A4nstg%C3%B6ring.
Hvernig er ferlið step-by-step að fá íslenska kandídatsárið/sérnámsgrunn metinn upp í kandídatsár viðkomandi lands?
Ég er komin of stutt í ferlinu til að geta gefið skýr ráð um þetta. Ég sendi mínum studierektor og BT yfirmanninum á Sahlgrenska skjal frá Ingu Sif þar sem mínu sérnámsgrunnisári er lýst, ásamt öllu ePortfolio frá SGL árinu. Niðurstaðan virðist verða sú að ég mun þurfa að taka 10 vikur í geðlækningum og 6 vikur í heilsugæslulækningum í haust. Svo þarf ég að vera með í svokölluðu PLUS program sem er annan hvern fimmtudag í 10 mánuði, sem er námskeið fyrir lækna sem hafa menntað sig erlendis.
Svo þarf ég að safna saman vottorðum um að ég hafi staðist öll námsmarkmið BT ársins og utanaðkomandi aðili mun þá þurfa að skrifa upp á að ég hafi staðist allt, áður en ég svo sendi umsókn um að fá metið til Socialstyrelsen. Einhver þessara vottorða munu þá vísa til minicex og slíkra matsblaða sem ég safna þegar ég verð á heilsugæslunni og á geðsviði hér úti, á meðan önnur munu vísa í vottorð og önnur skjöl frá íslandi. Handleiðarinn minn í sérnáminu mun þurfa að skrifa undir öll þessi eyðublöð áður en ég sendi þau inn.
Ég er semsagt byrjuð í sérnáminu þar sem mínir yfirmenn vissu ekki af þessu breytta kerfi fyrr en ég var byrjuð. Svo mun ég fara þessar vikur á geðið og heilsugæsluna eftir að hafa verið hálft á í sérnáminu. Þetta mun hinsvegar ekki lengja tímann í sérnáminu þar sem þetta er í raun “integrerað” BT og ST hjá mér og ég fæ stóran hluta af BT metið frá íslenska SGL. Þessvegna er svolítið erfitt fyrir mig að gera ráð um hvernig best er að standa að þessu. Það virðast ýmsar leiðir til og fer eftir því hvar maður er staddur og hvaða handleiðara maður hefur hvernig þetta raðast allt saman.
Er tekið mismunandi á þessum hlutum á milli mismunandi svæða í viðkomandi landi?
Já það virðist vera, er opinberlega á það sama að gilda fyrir alla. Virðist fara mikið eftir því hversu strangir handleiðendurnir eru því það veltur mikið á því hvað þeir eru tilbúnir að skrifa undir og votta.
Einhver önnur tips eða tricks sem þú hefðir viljað vita áður en þú fluttir út?
Ef maður er að sækja um á háskólasjúkrahúsi þá virðast rannsóknir telja mjög mikið svo ég mæli með því að ef maður hefur verið eitthvað í rannsóknum að lyfta þeim á ferilskránni og í persónulega bréfinu. Ef maður er ekki byrjaður í rannsóknum en hefur áhuga á því að byrja þá mæli ég með því að taka það fram og gjarnan á hvaða sviði.
Eins og staðan er núna gæti verið einfaldara að sækja um integrerað BT+ST ef maður vill fara til Svíþjóðar, og fara þá beint eftir útskrift úr læknadeild. Ég veit hinsvegar ekki hversu miklar líkur eru á að maður fái þannig stöðu núna þar sem þetta er nokkuð nýtt kerfi.